بہت مجھ پہ احسان الفضل کا ہے

مری زندگی کو سنوارا ہے اس نے
مرے ذہن ودل کو نکھارا ہے اس نے
خمارِ جہالت اتارا ہے اس نے
سدا نیکیوں پر ابھارا ہے اس نے
ہیں پر از فوائد مضامین اس کے
بہت دل کو بھائیں عناوین اس کے
بہت مجھ پہ احسان الفضل کاہے

یہ آتا ہے ہرصبح جب میرے آنگن
لیے علم اور معرفت کے یہ مخزن
تو ہوتا ہے دل اس سے مسرور میرا
ہوا جائے ہر لمحہ پر نور میرا
بہت فیض اس سے اٹھائے ہیں میں نے
کہ اسرار ہستی کے پائے ہیں میں نے
بہت مجھ پہ احسان الفضل کا ہے

حدیث نبیؐ اور مسیحا کی باتیں
بناتی ہیں پُر نور دن اور راتیں
خلافت سے گہری ارادت کی باتیں
جماعت کی باہم اخوت کی باتیں
یہ کیسا حسیں ہے جریدہ ہمارا
کہ رکھے بھلائی پہ سوچوں کادھارا
بہت مجھ پہ احسان افضل کا ہے

ہے ابلیس کا میڈیا پر اجارا
جہنم کے گہرے گڑھے کا کنارا
پھسلنا نہیں، اس سے بچنا خدارا
مگر توڑ اس کا ہے بے حد ہی پیارا
یہ تیرہ شبی میں ہے روشن ستارا
کہ جس نے سدا آخرت کو سنوارا
بہت مجھ پہ احسان الفضل کا ہے

(امتہ الر شید بدر)