رَبِّ فَرِّقْ بَیْنَ صَادِقٍ وَّ کَاذِبٍ
(الحکم جلد 10نمبر 20 مؤرخہ 10؍جون 1906ء۔ حقیقۃ الوحی، روحانی خزائن جلد22 صفحہ411 حاشیہ۔ تذکرہ صفحہ532 ایڈیشن چہارم)
ترجمہ: اے میرے خدا !صادق اور کاذب میں فرق کرکے دکھلا۔
یہ حضرت مرزا غلام احمد مسیح موعودو مہدی معہودؑ بانی سلسلہ احمدیہ کی صادق اور کاذب میں فرق کرنے کی الہامی دعا ہے۔
بہت پیارے آقا سیّدنا حضرت مرزا مسرور احمد خلیفۃ المسیح الخامس ایَّدہ اللہ تعالیٰ بنصرہ العزیز فرماتے ہیں
پھر مئی 1906ء کا الہام ہے(مندرجہ بالا الہام) آجکل مختلف جگہوں پر دنیا میں مسلمان ملکوں میں مُلّاں بھی بڑا تیز ہوا ہوا ہے اور حضرت مسیح موعود علیہ الصلوٰۃ والسلام کے بارے میں ایسے نازیبا اور گھٹیا الفاظ استعمال کئے جاتے ہیں کہ ان کو سن کر سینہ چھلنی ہو جاتا ہے۔ یہ دعا بہت کرنی چاہئے کہ اللہ تعالیٰ یا تو ان کو عقل دے یا پھر ایسا واضح فرق دکھلائے اور ان کو اپنے انجام تک پہنچائے کہ جو دوسروں کے لئے بھی عبرت بن جائیں۔
(خطبہ جمعہ 13 اکتوبر 2006ء، خطبات مسرور جلد 4 صفحہ :524)
اے خدا شیطاں پہ مجھ کو فتح دے رحمت کے ساتھ
وہ اکھٹی کررہا ہے اپنی فوجیں بے شمار
اے میرے پیارے فِدا ہو تجھ پہ ہر ذرہ مرا
پھیر دے میری طرف اے سارباں جگ کی مہار
دن چڑھا ہے دشمنانِ دیں کا ہم پررات ہے
اے مرے سورج نکل باہر کہ میں ہوں بے قرار
یا الٰہی فضل کر اسلام پر اور خود بچا
اس شکستہ ناؤ کے بندوں کی اب سن لے پکار
(مرسلہ:مریم رحمٰن)
