عیسائیوں سے خطاب

عیسائیوں سے خطاب
(کلام حضرت مسیح موعودؑ)

آؤ عیسائیو! ادھر آؤ!
نور حق دیکھو راہ حق پاؤ!

جس قدر خوبیاں ہیں فرقان میں
کہیں انجیل میں تو دکھلاؤ

سرپہ خالق ہے اس کو یاد کرو
یوں ہی مخلوق کو نہ بہکاؤ

کب تلک جھوٹ سے کرو گے پیار
کچھ تو سچ کو بھی کام فرماؤ

کچھ تو خوف خدا کرو لوگو
کچھ تو لوگو خدا سے شرماؤ

عیش دنیا سدا نہیں پیارو
اس جہاں کو بقا نہیں پیارو

یہ تو رہنے کی جا نہیں پیارو
کوئی اس میں رہا نہیں پیارو

اس خرابہ میں کیوں لگاؤ دل
ہاتھ سے اپنے کیوں جلاؤ دل

کیوں نہیں تم کو دینِ حق کا خیال
ہائے سو سو اٹھے ہے دل میں ابال

کیوں نہیں دیکھتے طریق صواب
کس بلا کا پڑا ہے دل پہ حجاب

(براہین احمدیہ حصہ سوم صفحہ 268مطبوعہ 1882ء)