ہے برکت اس مہینے میں
یہ لکھا ہے قرینوں میں
اے بندۂ مومن کر
عبادت اس مہینے میں
سراسر فضل برسا تھا
خدا کا اس مہینے میں
ہوا نازل محمد ﷺ پر
قرآن بھی اس مہینے میں
اٹھو راتوں کو جاگو تم
خدا سے مانگ لو سب کچھ
خدا کا قرب جو چاہو
تو پا لو اس مہینے میں
خدا کے در پہ جھک جاؤ
کہو اپنی مرادیں سب
کہ اپنی ساری بگڑی تم
بنا لو اس مہینے میں
فضیلت کا مہینہ ہے
دعاؤں کا خزینہ ہے
کہ مومن بنتا ہے بندہ سے انساں
اس مہینے میں
ہے دنیا اک پرایا دھن
بالآخر سب کو جانا ہے
خدا کے گھر کو پا لو تم
دعا سے اس مہینے میں
خودی کو چھوڑ دو پیارو
خدا سے مانگ لو سب کچھ
یہی ہے کامیابی کا گُر
جو پا لو اس مہینے میں
اے بندہِ مومن کر،
عبادت اس مہینے میں
(سدرۃ المنتہیٰ۔کینیڈا)
