طُیورِ چمن گاتے یہ صحنِ خِلافت میں
نفرت کو بدل دیں گے خوشبوئے محبت میں
پرواز کریں گے پَر افلاک سے بھی اُونچی
وُسعَت ہے بہت پنہاں اِس عشق کی طاقت میں
یہ عہد کیا ہم نے رکھیں گے سدا اُونچا
اِسلام کے پرچم کو خُلفاء کی اِمامت میں
رَکھ جذبہ جنوں زندہ اے احمدی ! تُو اپنا
ہے کام یہی آتا اِس دشتِ محبت میں
مسرور کیا جس نے مسرور ہے نام اُس کا
دُکھ دَرد کے ماروں کو اِس وقتِ خرابت میں
دِل میں بھی اُجالا ہے اور رات بھی ہے روشن
یہ کون درخشاں ہے مہتاب کی صورت میں
تِشنہ ہیں روحیں جن کی سیراب ہوئیں آ کر
مَے خانہ کُھلا رہتا یہ عہدِ خلافت میں
مغرب ہو کہ مشرق ہو دُوری ہو یا نزدیکی
وہ چاند نکل آتا اب خلوت و جلوت میں
بیٹھے گا جو اَب آکر اِس کشتی ٔ نوح میں وہ
بچ جائے گا بہنے سے طوفان کی شدّت میں
سَر رکھ دو خلافت کی چوکھٹ پہ یہ حکمت ہے
پھولو گے پھلو گے تم برکت ہے اِطاعت میں
مانا ہے تجھے اپنا اور تیری خِلافت کو
اے مولا ! ہمیں رکھنا تم اپنی حفاظت میں
(عبدالجلیل عباد ۔ جرمنی)
