مورخہ 18نومبر 2021ء کو امبور سینیگال میں امبور شہر کے سب سے بڑے ہسپتال میں جماعت احمدیہ سینیگال کی طرف سے مندرجہ ذیل میٹیریل دیا گیا۔
Endoscopy for urology
Endoscopy for gastric surgery
Semi rigid and flexible ureter scope
اس سلسلہ میں ایک تقریب کا انعقاد محکمہ ہیلتھ ڈسٹرکٹ امبور کی طرف سے کیا گیا ۔اس تقریب میں شہر کے میئر ،ریجنل ڈائیریکٹر محکمہ ہیلتھ ،منسٹر ہیلتھ کے نمائندہ ،میڈیا نما ئندگان اور دیگر اتھارٹیز نے شرکت کی ۔
میئر امبور فالو سیلا نے تقریب سے خطاب کرتے ہوئے کہا کہ سب سے پہلے میں حضور پرنور حضرت مرزا مسرور احمد ایدہ اللہ تعالیٰ بنصرہ العزیز کا شکریہ ادا کرتا ہوں کہ انہوں نے میری درخواست قبول کی اور میٹیریل کے لیئے آسٹریلیا احمدیہ میڈیکل ایسوسی ایشن کو ارشاد فرمایا جنہوں نے حضرت خلیفۃ المسیح کے ارشاد پر لبیک کہا اور یہاں میٹیریل بھجوایا جس پر میں حضور کا شکر گزار ہوں ۔حضور کو میں جرمنی اور لندن ملنے گیا تھا ۔وہاں مجھے بہت عزت اور شرف عطا گیا اور میرا خیال رکھا گیا ۔حضور سے میں نے وعدہ کیا تھا کہ میں سکول اور ہسپتال کے لیئے جگہ دوں گا۔ الحمدللہ مسجد تعمیر ہو گئی ہے اور اب ہسپتال بھی شروع ہو گا اور سکول بھی ۔جماعت احمدیہ کا یہ ماٹو بہت ہی پیارا ہے محبت سب کے لیئے نفرت کسی سے نہیں ۔اس کے علاوہ ڈائیرکٹر ہسپتال امبور نے بھی خطاب کیا اور شکریہ ادا کیا اور کہا کہ اس وقت اصل میں انسانیت کی خدمت کی ضرورت ہے اور جماعت کے اس عمل سے بہت خوش ہیں کیونکہ جماعت احمدیہ اس پر عمل پیرا ہے اور پھر کارکنان کی آرگنائیزیشن کے صدر نے بھی خطاب کیا اور جماعت کا شکریہ ادا کیا اور کہا کہ احمدیہ مسلم جماعت کے اس عمل سے ہسپتال کا تمام عملہ خوش ہے ۔محترم امیر صاحب سینیگال بھی اپنے وفد کے ہمراہ ڈاکار سے تشریف لائے تھے اور امیر صاحب نے اپنے خطاب میں فرمایا کہ حضور انور اور احمدیہ میڈیکل ایسوسی ایشن آسٹریلیاء کے شکر گزار ہیں ۔
خاکسار نے تمام مہمانوں کا جو کہ جماعت کی طرف سے شامل تھے ان کا تعارف کروایا اور ہسپتال انتظامیہ اور اتھارٹیز اور حاضرین کا شکریہ ادا کیا ۔آخر پر محکمہ صحت کی طرف سے ریفریشمنٹ کا انتظام کیا گیا جو تمام حاضرین کی خدمت میں پیش کی گئی۔یہ تقریب بہت اچھی رہی الحمدللّٰہ علیٰ ذالک۔ اس میٹیریل سے ہسپتال میں ایسے مریض جن کی اینڈوسکوپی کرنی مقصود ہوگی اوراسی طرح خاص طور پر یورالاجی کے مریض بھی فائدہ اٹھائیں گے۔ ان شاء اللہ ۔آخر پر میئر امبور نے احمدیہ زند ہ باد کے نعرے بھی لگوائے۔ الحمدللہ۔
(ظفر اقبال ساہی۔ مبلغ سلسلہ سینیگال)
